Nevoja për energji, 9 milionë euro për importin deri në fund të qershorit

Korporata Elektorenergjetike Shqiptare ka shpenzuar rreth 9 milionë euro për blerjen e energjisë elektrike që duhet deri në fund të qershorit. Janë tre tendera të zhvilluar nga KESH, nëpërmjet të cilëve është siguruar një sasi energjie prej 95,922 mWh, që do të përdoret deri më 30 qershor.

Çmimi me të cilin është siguruar energjia në tregun e parregulluar varion nga 76 euro/ mWh, në 118 euro/mWh, ndërkohë që çmimi mesatar për të 3 procedurat e blerjes përllogaritet në 94.25 euro/mWh. Këto janë procedurat e para të blerjes së energjisë për këtë vit, pasi deri më tani nevojat janë plotësuar nga prodhimi i hidrocentraleve të kaskadës së Drinit. Teksa kjo situatë ndikohet nga mungesa e reshjeve dhe rritja e kërkesës për energji për shkak të rritjes së temperaturave.

Në fakt, deri në mesin e muajit qershor, situata hidrike ka favorizuar aktivitetin tregtar të Korporatës Elektroenergjetike Shqiptare, që ka zhvilluar 2 tenderë për shitje energjie si dhe një sërë procedurash optimizimi.  Në total, nga aktiviteti tregtar KESH ka gjeneruar gjatë këtij viti rreth 6.2 milionë euro të ardhura.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern