LIGJET E BIZNESIT
Projektbuxheti i vitit 2027 parashikon zgjerimin e administratës publike, si në numrin e punonjësve, ashtu edhe në fondin e dedikuar për pagat. Sipas planifikimeve të qeverisë, vitin e ardhshëm administrata do të ketë 775 punonjës më shumë, ndërsa shpenzimet për pagat parashikohen të rriten me afro 3 miliardë lekë krahasuar me vitin 2026.
Fondi i pagave për vitin 2027 parashikohet të arrijë në 122.4 miliardë lekë, nga 119.46 miliardë lekë që ishte planifikuar për vitin aktual. Diferenca prej 2.94 miliardë lekësh përfaqëson një rritje prej rreth 2.5%, ndërsa fondi i pagave do të zërë 4.2% të Prodhimit të Brendshëm Bruto.
Paralelisht, rritet edhe numri i punonjësve të planifikuar për t’u paguar nga buxheti i shtetit. Në vitin 2026, ky numër ishte 87,012, ndërsa për vitin 2027 parashikohet të arrijë në 87,787 punonjës. Kjo përkthehet në një zgjerim prej rreth 0.9% të numrit të punonjësve buxhetorë.
Projektbuxheti ruan gjithashtu 100 vende pune rezervë për institucionet e qeverisjes qendrore, njësoj si në vitin 2026.
Të dhënat tregojnë se rritja e planifikuar e fondit të pagave është më e lartë se zgjerimi i numrit të punonjësve në terma përqindjeje. Megjithatë, këto shifra pasqyrojnë planifikimet buxhetore dhe jo domosdoshmërisht realizimin përfundimtar të shpenzimeve apo të numrit të punonjësve gjatë vitit 2027.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
