LIGJET E BIZNESIT
Bordi i Transparencës ka përcaktuar çmimet maksimale të shitjes me pakicë dhe shumicë për naftën dhe benzinën, në një vendim të marrë më 29 tetor 2026.
Sipas njoftimit zyrtar, nafta do të shitet me pakicë me një çmim maksimal prej 212 lekësh për litër, ndërsa çmimi maksimal me shumicë do të jetë 200 lekë për litër. Për benzinën, çmimi maksimal i shitjes me pakicë është caktuar në 181 lekë për litër, ndërsa ai me shumicë në 169 lekë për litër. Çmimet e reja hyjnë në fuqi më 29 tetor, në orën 15:00, dhe do të mbeten të vlefshme deri në mbledhjen e ardhshme të Bordit, kur do të shqyrtohen ndryshimet e mundshme në çmimet e shitjes.
Bordi u ka tërhequr vëmendjen operatorëve të tregtimit me shumicë dhe pakicë për detyrimin e zbatimit të këtyre kufijve. Sipas njoftimit, në rastet kur konstatohen shkelje, mund të vendoset pezullimi i aktivitetit të operatorëve. Vendimi është marrë në kuadër të masave të ndërmarra pas shpalljes së situatës së veçantë në tregun e hidrokarbureve. Ministria e Ekonomisë dhe Inovacionit, Ministria e Financave dhe Ministria e Infrastrukturës dhe Energjisë deklarojnë se synojnë mbrojtjen e interesave të konsumatorëve dhe ruajtjen e konkurrencës së ndershme në treg.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
