LIGJET E BIZNESIT
Shtimi i numrit të turistëve në këtë sezon turistik ka rritur shitjet në tregtinë me shumicë dhe sektorët e lidhur me të. Kjo jo vetëm te aktitetet e shërbimeve, si hotele dhe bar-restorante, por edhe në tregun e pronave, për shkak të blerjes së apartamenteve nga të huajt në bregdet.
Të dhënat e fundit të Institutit të Statistikave tregojnë se rritja më e ndjeshme e shitjeve konstatohet pikërisht në tregun e pasurive të patundshme. Në tremujorin e dytë të këtij viti, në aktivitetin “Pasuritë e paluajtshme”, indeksi shënoi rritje 38,9 % kundrejt të njëjtës periudhë të një viti më parë.
Rritje është shënuar edhe tek shitjet në sektorët e tjerë. Kështu, sipas INSTAT-it në tremujorin e dytë të këtij viti, indeksi I shitjeve neto në volum në aktivitetin “Tregti me shumicë, tregti me pakicë dhe riparimi i automjeteve dhe motorçikletave” shënoi rritje me 6% kundrejt të njëjtës periudhë të një viti më parë. Në aktivitetin “Transport, Magazinim dhe Postë”, indeksi shënoi rritje 19,1 %; në aktivitetin “Hotele”, indeksi shënoi rritje 22,0 %; në aktivitetin “Bar-Restorante”, indeksi shënoi rritje 8,7 %; në aktivitetin “Informacion dhe Komunikacion”, indeksi shënoi ulje 0,6 %.
Rritja më e ndjeshme e shitjeve konstatohet në tregun e pasurive të patundshme. Sipas INSTAT-it, në aktivitetin “Pasuritë e paluajtshme”, indeksi shënoi rritje 38,9 %.
Përsa u përket shitjeve në sektorët e tjerë, ato paraqiten të luhatshme. Kështu, në aktivitetetin “Ligjore dhe të kontabilitetit”, indeksi shënoi ulje 5,3 %; në aktivitetet “Arkitekturë dhe Inxhinierike”, indeksi shënoi rritje 7,8 %; në aktivitetin “Agjenci udhëtimi”, indeksi shënoi ulje 5,4 %; në aktivitetet e “Sigurimit dhe hetimit”, indeksi shënoi rritje 8,9 %; ndërsa në aktivitetin “Administrim zyrash, mbështetje administrative” indeksi shënoi ulje 6,0 %.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
