Eksportet në rritje, por fasoni në “ditë të vështira”

Të dhënat e fundit të tregtisë së jashtme ilustrojnë një situatë pozitive për prodhimin dhe eksportet shqiptare. Sipas Institutit të Statistikave, në gusht eksportet arritën vlerën 20,5 miliardë lekë, duke u rritur me 1,6 %, në krahasim me të njëjtën periudhë të një viti më parë.

Në këtë periudhë, në ecurinë pozitive të eksporteve kanë ndikuar grupet: “Materiale ndërtimi dhe metale” dhe “Ushqime, pije, duhan” me nga +1,3 pikë përqindje, “Minerale, lëndë djegëse, energji elektrike” me +0,7 pikë përqindje, ndërsa negativisht kanë ndikuar grupet: “Tekstile dhe këpucë” me -2,9 pikë përqindje dhe “Produkte kimike dhe plastike” me -0,6 pikë përqindje.

Nga ana tjetër, në rritje janë edhe importet. INSTAT-i konstaton se në gusht, importet e mallrave arritën vlerën 75,6 miliardë lekë, duke u rritur me 12,6 %, në krahasim me një vit më parë dhe duke u ulur me 12,6 %, në krahasim me korrikun 2026.

Gjatë muajit gusht, në rritjen e importeve prej 12,6 %, krahasuar me një vit më parë, kanë ndikuar pozitivisht grupet: “Makineri, pajisje dhe pjesë këmbimi” me +4,8 pikë përqindje “Minerale, lëndë djegëse, energji elektrike” me +3,5 pikë përqindje, “Materiale ndërtimi dhe metale” me +1,8 pikë përqindje, etj. Ndërsa negativisht kanë ndikuar grupet: “Prodhime druri dhe letre” me -0,2 pikë përqindje dhe “Lëkurë dhe artikujt prej tyre” me -0,03 pikë përqindje.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ecuria e tregtisë së mallrave sipas vendeve partnere
Në muajin gusht, vendet me të cilat Shqipëria ka pasur rritjen më të madhe të eksporteve,
në krahasim me një vit më parë janë: Italia (5,0 %), Kosova (1,5 %), etj. Ndërsa vendet me të cilat
eksportet kanë pasur rënien më të madhe, janë: Turqia (54,1 %), Maqedonia e Veriut (5,6 %), etj.
Në muajin Gusht 2026, vendet me të cilat Shqipëria ka pasur rritjen më të madhe të importeve,
në krahasim me Gusht 2025 janë: Italia (2,2 %), Kina (16,9 %), etj.

Ndërsa vendet me të cilat importet kanë pasur rënien më të madhe, janë: Greqia (3,4 %), Gjermania (3,6 %), etj. Shkëmbimet tregtare me vendet e BE-së zënë 46,2 %, të gjithë tregtisë. Në Gusht 2026, eksportet
drejt vendeve të BE-së zënë 63,1 % të eksporteve gjithsej dhe importet nga vendet e BE-së zënë
41,6 %, të importeve gjithsej.