Lufta në Lindjen e Mesme rikthen çmimin e lartë të naftës, ja sa shitet tek ne

Nuk ka normalitet për tregun e karburanteve. Tensionet në Lindjen e Mesme kanë shtrenjtuar cmimin e naftës në tregjet ndërkombëtar. Nga më pak se 72 dollarë për fuçi në fund të qershorit, çmimi i naftës së papërpunuar bruto në bursë është rritur në mbi 90 dollarë. Kjo pas rinisjes së sulmeve amerikane në Iran.

Ky shtrenjtim i arit të zin ë botë është reflektuar menjëherë edhe tek ne. Në Shqipëri, ndikimi ndihet shpejt dhe fortë. Një litër naftë shkoi deri në 196 lekë litri këtë të hënë, nga 176 lekë që ishte me vendimin e fundit të bordit të transparencës. Ndërsa benzina ka arritur deri në 186 lekë për litër nga 166 lekë rreth një muaj më parë.

Me qeverinë që zhbëri Bordin e Transparencës dhe trupat inspektuese, përcaktimi i çmimi ka mbetur vetëm në dorë të operatorëve në tregun e karburanteve.

Shqipëria është aktualisht vendi i parë në rajon, i shtati në Europë dhe i 10-i në botë për çmimin më të lartë të naftës. Në botë është Hong-Kongu shteti me çmimin më të lartë për një litër naftë, mbi 3.77 euro për litër.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern