LIGJET E BIZNESIT
Ekonomia shqiptare ka shënuar një rritje pozitive prej 3.7% në tremujorin e parë të këtij viti. Shifrat janë bërë publike nga Instituti i Statistikave. Sipas INSTAT, rritja kundrejt të njëjtës periudhë të një viti më parë është mbështetur fuqishëm nga sektori publik, i cili ka marrë rolin e motorit kryesor për zgjerimin ekonomik të vendit, teksa ekonomia e private dhe sektorët kryesorë, bujqësia dhe industria, pësuan rënie.
Sipas të dhënave zyrtare të publikuara nga Instituti i Statistikave, aktiviteti që përfshin administratën publike, arsimin dhe shëndetësinë ka dhënë kontributin më të lartë në rritjen e PBB-së në tremujorin e parë 2026, duke siguruar 1.68 pikë përqindje të rritjes totale, që përkthehet në gati gjysmën e gjithë performancës ekonomike për këtë tremujor.
Në terma të vlerës së shtuar, ky grup aktivitetesh shënoi një rritje të ndjeshme prej 13.93%, duke lënë pas sektorë të tjerë të rëndësishëm.
Pas administratës, një kontribut të qëndrueshëm kanë dhënë edhe aktivitetet e pasurive të paluajtshme që kontribuoi me më shumë se 0.5 pikë % të rritjes totale në janar-mars 2026. Të dhënat tregojnë se, shërbimet profesionale dhe administrative, si dhe sektori i ndërtimit, të cilët kanë ndihmuar në balancimin e treguesve ekonomikë.
Nga ana tjetër, bizneset në sektorët prodhues dhe të burimeve natyrore po përjetojnë një periudhë vështirësie. Grupi i industrisë, energjisë dhe ujit ka shënuar një rënie prej 2.17%, duke vijuar të jetë një nga frenuesit kryesorë të rritjes ekonomike.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gjithashtu, bujqësia, pyjet dhe peshkimi kanë regjistruar një tkurrje të lehtë prej 0.49%, ndërsa aktivitete të lidhura me artin, argëtimin dhe shërbimet e tjera kanë pësuar rënien më të theksuar. Industria dhe bujqësia e ndikuan negativisht rritjen ekonomike në këtë fllimvit me -0.8 pikë përqindje.
