Një atentat me armë zjarri ka ndodhur pranë fshatit Përparim, ku si pasojë një 23-vjeçar ka humbur jetën dhe një tjetër është plagosur rëndë. Lidhur me këtë ngjarje janë ngritur shumë dyshime. Ajo dyshohet të ketë lidhje me atentatin e ndodhur 1 vit më parë në Bradashesh, po në qytetin e Elbasanit, ku 3 persona ndërruan jetë, mes tyre edhe një shtetas i huaj.
Dy shqiptarët e vrarë ishin Endrit Alibej, 34 vjeç, dhe Arben Dylgjeri, 56 vjeç, të dy kushërinj me njëri-tjetrin. Gjithashtu bashkë me ta u vra edhe shtetasi turk Erdal Durunay, 51 vjeç. Viktimat u qëlluan me kallashnikov në kokë po ashtu si 23-vjeçarin dhe mikun e tij, i cili ndodhet në gjendje kritike.
Masakra e 30 dhjetorit ndodhi në hyrje të Elbasanit, ku tre viktimat, të cilët po udhëtonin me një makinë Range Rover me targa rumune u ekzektuan me breshëri në prani të familjarëve të tyre pasi në tre makinat e tyre, ndodheshin 5 gra dhe 3 fëmijë. Ashtu si 23-vjeçari, edhe 3 të vrarët e Bradasheshit bashkë me familjet e tyre sapo ishin kthyer në Shqipëri për të festuar festat e fundvitit pasi jetonin në Angli e Holandë.
Pista kryesore dyshohet është është atentati lidhet me përplasjen e bandave në qytetin e Elbasanit dhe prishjen e pazareve të drogës.
Burimi:/(Dosja.al)
