“Vlerë e jashtëzakonshme, do ta mbroj gjithmonë”, Meta takon përfaqësues të Aleancës për Mbrojtjen e Teatrit

Presidenti i Republikës Ilir Meta ka pritur mbrëmjen e sotme me kërkesë të tyre një përfaqësi të Aleancës për Mbrojtjen e Teatrit Kombëtar.

Gjatë bashkëbisedimit me ta kreu i shtetit i garantoi artistët se do të jetë gjithmonë në mbështetje të kauzës së tyre. Nga ana tjetër, artistët e falënderuan Metën për mbështetjen e dhënë prej tij për aplikimin e tyre drejtuar organizatës “Europa Nostra”, me qëllim mbrojtjen e kompleksit të Teatrit Kombëtar si dhe për depozitimin e kërkesës në Gjykatën Kushtetuese për rrëzimin e ligjit për shembjen e kësaj godine.

Në fjalën e rastit, Presidenti Meta tha se Teatri Kombëtar nuk është thjesht një godinë që u përket artistëve, por një vlerë e jashtëzakonshme kulturore dhe kombëtare, që duhet mbrojtur nga të gjithë.

Kreu i Shtetit gjithashtu vlerësoi rezistencën paqësore dhe demokratike të artistëve, duke theksuar se kjo qëndresë ia ka vlejtur edhe për faktin sepse ka bërë të mundur që të ndërgjegjësohet, jo vetëm opinioni vendas, por edhe ai ndërkombëtar për mbrojtjen e kësaj trashëgimie kulturore.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern