Një pjesëtare e komunitetit LGBT në Shqipëri, Anxhela H ka rënë pre e dhunës nga një grup adoleshentësh ditën e djeshme.
Në lidhje me këtë fakt ka reaguar e indinjuar dhe Ambasada e Holandës.
Me anë të një postimi në faqen zyrtare, ambasada shkruan se secili nga njerëzit duhet të jetë i lirë për të dashuruar këdo.
“Të shokuar nga ky akt dhune kundër një anëtare të komunitetit transgjinor në Shqipëri, Ambasada Hollandeze mbështet deklaratën e Komisionerit për Mbrojtjen nga Diskriminimi që dënon sulmin dhe i bën thirrje autoriteteve ligj zbatuese të marrin masat e duhura. Gjithsecili duhet të jete i lire të jetë vetvetja dhe të dashurojë këdo që deshiron”, është shkruar në postimin e Ambasadës.
Por nuk ishte vetëm ambasada Holandeze që reagoi e indinjuar për këtë fakt.
Gjithashtu edhe Komisioneri për Mbrojtjen nga Diskriminimi kërkoi nga prokuroria dhe policia që të marrë masa ndaj personave që dhunuan transgjinorin Anxhela H.
Gjithnjë sipas komisionerit transgjinori u sulmua për shkak të pjesëmarrjes së saj në paradën e kommunitetit LGBT pak ditë më parë në Tiranë.
Fakti që të habit më tepër është se ambasadat reagojnë menjëherë dhe në mënyrë urgjente sa herë preken pjesëtarë të komunitetit LGBT, ndërsa për grupe të tjera njerëzish nuk ndodh aspak kjo gjë përkundrazi ka vetëm heshtje.
E njëjta gjë ndodhi edhe ditën e djeshme, në përplasjen që u bë në zonën e Unazës së Re, ku banorët u dhunuan nga policia pasi mbrojtën banesat e tyre nga shembja.
Mirëpo nga ana e ambasadave nuk pati asnjë lloj reagimi dhe ende nuk dihet përse këto institucione bëjnë diferencimin për disa grupe njerëzish e për të tjerët nuk thonë as edhe një fjalë.
