LIGJET E BIZNESIT
Andi Maloku shoferi i prokurorit Arian Ndoja, humbi jetën në spital rreth një javë pas atentatit të 1 Nëntorit në mbikalimin e Shkozetit në Durrës pasi nuk mundi t’i mbijetonte plagëve të marra.
Pas lajmeve të shumta që qarkulluan në media për të riun, ka folur edhe xhaxhai i tij Bashkim Maloku.
Në një intervistë në gazetën “Shekulli” për gazetaren Diamila Leka, ai thotë se shumë prej gjërave që janë thënë për nipin e tij nuk janë aspak të vërteta.
Bashkim Maloku shprehet se nipi ishte vetëm 23 vjeç dhe kishte punuar më herët si kamarier, jo si polic në Krujë.
Sipas Malokut, Andi nuk kishte ndonjë njohje të mëparshme me prokurorin Ndoja, thjesht kishte shkuar të punonte aty.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Andi punonte si kamarier dhe më pas mori një lokal me qira. Më pas e pa që nuk e përballonte dot se nuk i paguante qiranë dhe e mbylli. Ishte pa punë, pasi e mbylli lokalin dhe ishte në kërkim të punës”, thotë Bashkim Maloku.
Në intervistë, Maloku tregon edhe telefonatën e fundit të Andit. “Andi kishte folur me të atin në telefon dhe i kishte thënë: o babi, na gjuajtën, jam plagosur”.
Xhaxhai shprehet i zhgënjyer edhe me policinë, e cila nuk i la fillimisht të shihnin Andin, pasi kishin blinduar spitalin. Ndërkohë që jnë ditë më pas nuk kishte asnjë polic në spital. Ai thotë se policia duhej të dilte me deklaratë për shkrimet në media se Andi ka qenë pjesë e policisë.
“Policia nuk ngriti postblloqe, por u morën me familjarët, që ishin te spitali për t’i shoqëruar”, thotë ai.
“Me drejtësinë jemi të pakënaqur, dhe nga qeveria jemi të pakënaqur, sidomos ne që kemi kontribuar për këtë qeveri”.
