LIGJET E BIZNESIT
Instituti i Sigurimeve Shoqërore ka njoftuar hapjen e përkohshme të sistemit të pagesave të pensioneve, pas fluksit të lartë të kërkesave nga pensionistët për tërheqjen e pensioneve dhe shpërblimit të fundvitit 2025.
Sipas ISSH-së, dita e sotme, 30 qershor 2026, është afati i fundit për tërheqjen e shpërblimit të fundvitit. Për këtë arsye, pensionistët që ende nuk e kanë marrë pagesën, kanë mundësi ta tërheqin atë brenda ditës së sotme.
Për të përballuar numrin e shtuar të qytetarëve, të gjitha qendrat paguese të Postës Shqiptare do të qëndrojnë të hapura deri në orën 14:00. Gjatë këtij orari, pensionistët mund të tërheqin si pensionin e radhës, ashtu edhe shpërblimin e fundvitit 2025.
ISSH u bën thirrje qytetarëve të interesuar që të paraqiten pranë pikave të pagesës brenda afatit të përcaktuar, pasi pas datës 30 qershor nuk do të ketë më mundësi për tërheqjen e këtij shpërblimi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
