LIGJET E BIZNESIT
Automjetet klasike dhe atmosfera e automobilizmit retro do të rikthehen në zemër të kryeqytetit me aktivitetin “Tirana Grand Prix – Warm Up”, i cili do të zhvillohet më 6 qershor 2026 në sheshin “Nënë Tereza”, nga ora 16:00 deri në 20:00.
I organizuar nga Drejtoria e Përgjithshme e Shërbimeve të Transportit Rrugor (DPSHTRR), eventi shërben si gara paraprake e Tirana Grand Prix 2026 dhe synon të promovojë kulturën automobilistike, trashëgiminë historike të mjeteve klasike dhe pasionin për automjetet që kanë lënë gjurmë në historinë e transportit.
Në qendër të aktivitetit do të jenë automjetet historike dhe klasike (retro), të prezantuara nga koleksionistë dhe klube automobilistike nga Shqipëria dhe vendet e rajonit. Vizitorët do të kenë mundësinë të shohin nga afër modele ikonike që përfaqësojnë periudha të ndryshme të evolucionit të industrisë automobilistike.
Programi përfshin paradën dhe ekspozimin e automjeteve historike, si dhe garën e rregullsisë (regularity), ku pjesëmarrësit vlerësohen për saktësinë në respektimin e kohës së përcaktuar nga organizatorët, duke ofruar një spektakël të veçantë për publikun.
Nisma Tirana Grand Prix, e cila nisi në vitin 2023, ka krijuar një traditë të re në jetën publike të kryeqytetit, duke kombinuar elementët kulturorë, turistikë dhe historikë me pasionin për automobilizmin.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Hyrja në aktivitet do të jetë e lirë për publikun në zonat e përcaktuara nga organizatorët.
