LIGJET E BIZNESIT
Përkeqësohet situata demografike në vend. Të dhënat e fundit të Institutit të Statistikave tregojnë se popullsia është tkurrur më tej, duke zbritur më 1 janar të këtij viti në 2.335.930 banorë dhe duke duke pësuar rënie me 1.16 %, krahasuar me një vit më parë. Kjo si pasojë e rënies së lindjeve, por edhe emigracionit të vazhdueshëm dhe të pandalshëm vitet e fundit.
“Rënia e popullsisë është rezultat i dy komponentëve kryesorë demografikë: Shtesës natyrore, që për vitin 2025 ishte pozitive me +1.147 lindje më shumë se vdekje; Migracioni neto, i cili mbeti negativ me -28.531”, thekson INSTAT.
Raporti gjinor në lindje mbeti pothuajse i njëjtë me vitin paraardhës duke rezultuar me 107,9 meshkuj për 100 femra gjatë vitit 2025.
Përllogaritjet e popullsisë tregojnë se vetëm qarku i Tiranës shënoi rritje të popullsisë, krahasuar me një vit më parë me 0.7 %.
Uljet më të mëdha të popullsisë u shënuan në qarqet: Kukës (-2.59 %) dhe Shkodër (-2.56 %). Tirana, Fieri, Elbasani dhe Durrësi kanë peshën më të lartë në popullsinë gjithsej.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sipas të dhënave të INSTAT, Tirana zë rreth 32.8 % të popullsisë gjithsej, duke vazhduar të jetë qarku më i populluar i vendit, ndjekur nga Fieri, Elbasani dhe Durrësi me nga 9.7 %, 9.5 % dhe 9.4% përkatësisht.
