Të tjera detaje dalin në dritë lidhur me 38-vjeçarin i cili u gjet i pajetë në makinë, teksa thuhet se është vetëvrarë me armë zjarri.
Betim Kastrati, që u gjet i pajetë në aksin Fier-Lushnjë, punonte shofer i drejtorit të Portit të Durrësit, Pirro Vengu.
Kastrati ka punuar për një kohë tepër të gjatë efektiv i gardës së Republikës. Makina, mjet i institucionit dhe i përdorur jashtë orarit të punës është gjetur e ndezur dhe me drejtim për në Durrës.
Babai i 2 fëmijëve, i cili jetonte në Kamëz, u gjet mbrëmë në rrethrrotullimin e Kolonjës, në rrugës Fier-Lushnjë në mjetin tip “Volvo” me targë AB 550 AI, makinë e Portit të Durrësit, ndërsa sipas policisë, ka dyshime se viktima vuante nga depresioni. Varrimi do të bëhet në orën 14:00. Babai i 2 fëmijëve jetonte në Kamëz. Sakaq, policia vijon hetimet për dokumentimin e ngjarjes.
