Pas “spastrimit” të selisë blu, gjendet një makineri që numëron paratë “brenda zyrës së Bashës”

Një makineri që numëron paratë është gjetur në selinë blu, konkretisht thuhet në zyrën e ish-kreut demokrat, Lulzim Basha.

Media pranë ish-kryeministrit Sali Berisha ka publikuar ditën e sotme një fotografi, ku shihet një makineri që numëron paratë.

Siç raportojnë mediat, numëruesi i parave është gjendur në zyrën e ish-kryetarit Basha dhe  sipas tyre përdorej për të dalluar paratë e sakta nga ato false.

“Ka të dhëna se në zyrën e Lulzim Bashës hynin shuma të mëdha parash, origjina e të cilave mbetet mister”, shkruan një nga portalet pranë ish-kryeministrit Berisha.

Duket se kjo makineri është gjetur pasi selia blu u “pastrua” pak ditë më parë pasi Gjykata vendosi që të njohë Kuvendin e 11 Dhjetorit, duke njohur kështu Sali Berishën me Komisionin e Rithemelimit.

Makineria e gjetur ne selinë blu.