LIGJET E BIZNESIT
Teksa vrasësi i vogëlushit 8 vjeçar Mateo Vasiu, Klodian Çalamani priste dje masën e sigurisë nga Gjykata e Fierit, avokati mbrojtës kishte marrë vendimin për tu tërhequr nga çështja.
Ai është Erlisa Nakollari, që shteti e kishte caktuar për të mbrojtur vrasësin e fëmijës.
Në një lidhje telefonike me emisionin “Shqipëria Live” avokati zbuloi arsyen se përse kishte vendosur që të mos e mbronte Çalamanin.
“Emri im është lakuar nëpër media dje. Unë nuk jam avokati i tij, jam caktuar për të marrë në pyetje autorin e këtij krimi kaq makabër. Jam thirrur nga shteti, se ligji dhe procedura e kërkon që autori të ketë një avokat nëse ai nuk e ka gjetur vetë”, sqaroi fillimisht avokati.
Nakollari u shpreh më pas se në fillim është njeri dhe më pas avokat, dhe nga ana morale nuk mund të ishte avokati i 38-vjeçarit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Unë kam shumë vite punë, por nuk kisha parë një krim kaq makabër. Kur është marrë në pyetje dhe gjatë dëshmisë Klodiani ishte shumë i qetë dhe i qeshur. Që në momentet e para kam hequr dorë se ishte një krim kaq makabër. Nga ana morale nuk mund t’i dilja në mbrojtje. Ishte rasti i parë që nuk munda që të vazhdoja më tej”, tha avokati.
