“Nëse vazhdojmë me rritje…” A do të ashpërsohen masat anti- C OVID19? Paralajmëron Albana Fico

Një paralajmërim i fortë vjen nga drejtoresha e Institutit të Shëndetit Publik Albana Fico.

Ajo ka deklaruar se mosrespektimi i masave do të na çojë në përkeqësimin e situatës nga pandemia.

“Duket sikur ka një relaksim që nuk i shkon përshtat askujt për këtë situatë që jemi. Institucionet shtetërore, operatorët ekonomikë, në auditorë e kudo duhet të ndërmerren masa sepse jemi në kohë për të mos shkuar në një dishezë që askush nuk e do”, tha Fico për A2CNN.

Por nëse institucionet përgjegjëse, organizatorët e aktiviteteve dhe qytetarët do të vijojnë me injorimin e masave anti-Covid, anëtarja e Komitetit Teknik nuk përjashton mundësinë e ashpërsimit të kufizimeve.

“Nëse vazhdojmë me rritje të numrave, të jemi të sigurt që nuk do të hezitojmë të marrim masa për të minimizuar dhe për të ndërprerë zinxhirin e infeksionit”, shprehet Fico.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern