LIGJET E BIZNESIT
Bordi i Transparencës ka përcaktuar çmimet e reja të shitjes së karburanteve në Shqipëri, në kuadër të masave për monitorimin e tregut të hidrokarbureve.
Sipas vendimit të marrë këtë të premte, çmimi i shitjes me pakicë i naftës, gazoil standardi SSH EN 590, nuk do të jetë më i lartë se 213 lekë për litër. Ndërkohë, për shitjen me shumicë, çmimi maksimal është caktuar në 201 lekë për litër. Për benzinën, Bordi ka vendosur një çmim maksimal prej 194 lekësh për litër në shitjen me pakicë, ndërsa në tregtimin me shumicë çmimi nuk duhet të kalojë 182 lekë për litër.
Çmimet e reja hyjnë në fuqi sot, më 9 tetor, në orën 13:00, dhe do të mbeten të vlefshme deri në mbledhjen e ardhshme të Bordit, kur do të shqyrtohen sërish ndryshimet e çmimeve në treg.
Vendimi është marrë në zbatim të masave të ndërmarra pas shpalljes së situatës së veçantë në tregun e hidrokarbureve, me qëllim monitorimin e çmimeve dhe mbrojtjen e konsumatorëve. Bordi i Transparencës u ka rikujtuar operatorëve të tregtimit me shumicë dhe pakicë detyrimin për të zbatuar çmimet e përcaktuara. Sipas njoftimit, në rast të konstatimit të shkeljeve, ndaj operatorëve mund të vendoset pezullimi i aktivitetit.
Ministria e Ekonomisë dhe Inovacionit, Ministria e Financave dhe Ministria e Infrastrukturës dhe Energjisë deklarojnë se janë angazhuar për mbrojtjen e interesave të konsumatorëve dhe garantimin e konkurrencës së ndershme në treg.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
