LIGJET E BIZNESIT
Teksa Shqipëria rezulton një ndër vendet me nivelin më të lartë të cmimit të karburanteve në botë, shqiptarët po gjejnë zgjidhje tek makinat elektrike. Të dhënat e fundit të Institutit të Statistikave tregojnë se vitin e kaluar, numri i autoveturave elektrike u rrit me 91.2 %, krahasuar me 2024-ën. Ndërkohë që nafta mbetet lënda djegëse dominuese për autoveturat, duke përbërë 72.1 % të totalit.
Sipas INSTAT-it, në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti në 1.048.092 mjete, duke shënuar një rritje prej 9.3 %, krahasuar me vitin 2024. Autoveturat përbëjnë 80,8 % të totalit të mjeteve rrugore. Numri i autoveturave për 1.000 banorë u rrit në 361, nga 326 në vitin 2024.
Qarku i Tiranës ka numrin më të madh të mjeteve rrugore, duke përbërë 34.7 % të totalit, i ndjekur nga Durrësi (13.6 %) dhe Fieri (9.1 %). Qarku i Durrësit ka nivelin më të lartë të motorizimit në vend, me 535 autovetura për 1.000 banorë.
Mjetet me kambio manuale përbëjnë 55,9 % të totalit të mjeteve rrugore. Mjetet e prodhuara gjatë periudhës 2000–2010 përbëjnë 55.3 % të totalit të mjeteve rrugore. Autoveturat me moshë 11–20 vjet përbëjnë 45.7 % të autoveturave gjithsej.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Marka Volksëagen është më e përhapura ndër autoveturat në vend, me 19.7 % të totalit, e ndjekur nga Mercedes-Benz me 18.1 %.
