Del raporti: Cmimet rriten lehtë në gusht, ndikojnë kryesisht ushqimet

Shqiptarët kanë shpenzuar më shumë se një vit më parë për të jetuar. Instituti i Statistikave raporton se në gusht, inflacioni, treguesi që mat koston e jeteës në vend, arriti në 2.3% nga 2% që ishte në të njëjtën periudhë të një viti më parë. Ndërsa kundrejt korrikut të këtij viti, është shënuar një rënie me 0.3%.

Ndikimi i grupeve kryesore në inflacion

Rritja vjetore e çmimeve në muajin gusht është ndikuar kryesisht nga grupi “Ushqime dhe pije joalkoolike” me +0,85 pikë përqindje, pasuar nga grupi “Qira, ujë, lëndë djegëse dhe energji” me +0,63 pikë përqindje.

Gjithashtu, çmimet e grupit “Mobilje, pajisje shtëpie dhe mirëmbajtje e shtëpisë” ndikuan me +0,21 pikë përqindje, çmimet e grupit “Pije alkoolike dhe duhan” me +0,16 pikë përqindje, çmimet e grupit “Argëtim dhe kulturë” me +0,14 pikë përqindje, çmimet e grupit “Hotele, kafene dhe restorante” me +0,13 pikë përqindje, çmimet e grupit “Mallra dhe shërbime të ndryshme” me +0,07 pikë përqindje, çmimet e grupeve “Transporti” dhe “Komunikimi” me +0,03 pikë përqindje secili, çmimet e grupeve “Veshje dhe këpucë” dhe “Shërbimi arsimor” me +0,02 pikë përqindje secili dhe çmimet e grupit “Shëndeti” me +0,01 pikë përqindje.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern