LIGJET E BIZNESIT
Nga Aurora Sulce, Producente Ekzekutive për Biznesin në A2 CNN
Borxhet në sektorin e energjisë mbeten problem, pavarësisht përmirësimit të këtij treguesi. Por teksa qytetarët dhe bizneset po shlyejnë detyrimet, kjo nuk po ndodh me shtetin. Detyrimet e prapambetura ndaj Operatorit të shpërndarjes së Energjisë Elektrike janë rritur kryesisht tek institucionet jobuxhetore. Thënë ndryshe, tek kompanitë shtetërore, si ujësjellës etj.
Por si paraqitet situata me shifra?
Në total, borxhi i energjisë së papaguar ndaj OSHEE-së arriti në fund të 9 mujorit të këtij viti në rreth 78.4 miliardë lekë, me rënie kundrejt vitit të kaluar.
Të dhënat tregojnë se qytetarët dhe bizneset po ndërgjegjësohen dhe krahas faturave korrente, po shlyejnë edhe detyrimet e vjetra.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Borxhi i energjisë tek familjarët arriti në fund të shtatorit në 45.1 miliardë lekë, me rënie kundrejt viteve të mëparshme. Në rënie edhe borxhi i bizneseve, që ka zbritur aktualisht në 11.3 miliardë lekë, me rënie kundrejt viteve të kaluara.
Por kjo nuk po ndodh ne shtetin. Borxhi tek institucionet buxhetore dhe kryesisht ato jobuxhetore ka shfaqur tendencë rritje.
Në fund të shtatorit, institucionet buxhetore, si ministritë i kishin Operatorit të Shpërndarjes së Energjisë Elektrike një detyrim prej 4.9 miliardë lekë, me rritje të lehtë kundrejt vitit të kaluar. Ndërsa borxhi i institucioneve jobuxhetore, si ujësjellësit ka arritur në 19.6 miliardë lekë, me rritje më të dukshme kundrejt periudhave të mëparshme.
