LIGJET E BIZNESIT
Shkodra po përballet me një rritje të ndjeshme të fluksit të turistëve të huaj këtë vit, që sipas operatorëve arrin deri në 15%. Bizneset e zonës shpjegojnë se Shkodra ofron një produkt të diversifikuar turistik, duke bërëë që turistët të jenë të pranishëm gjatë gjithë vitit. Potencialet dhe sfidat e turizmit në këtë qytet u diskutuan në emisionin A2 Business të gazetares Aurora Sulce.
Nga ambientet e agroturizmit Faqedol, një ndër bizneset më atraktive dhe më të investuara të zonës, operatorët turistikë dhe ekspertët shpjeguan se turistët që po vijnë këtë vit janë kryesisht nga Gjermania, Holanda, Austria, Kosova, por edhe nga Turqia dhe vendet e lindjes.
Por a ka qenë pushteti vendor i përgatitur për këtë fluks?
Nënkryetari i bashkisë Shkodër, Rudin Beka, teksa sjell në vëmendje se administrata e re bashkisë së kryeqendrës së veriut ka vetëm një muaj që e ka marrë detyrën, shton se fillimisht e kanë nisur punën me shërbimet bazë.
“E filluam me energji dhe pozitivitet. E nisëm me shërbime bazë. Me pastrimin e mbetjeve, krijimin e hapësirave të plazheve publike,” shpjegon zoti Beka.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sipas tij, ka shërbime që kanë pasur mangësi nga sezonet e shkuara dhe për këtë pritet që të ketë investime afatgjata duke nisur nga viti tjetër.
Ndërsa, Aurora Zylaj, eksperte për turizmin shpreson se bashkia e re në bashkëpunim me qeverinë të sjellin investime.
Sipas saj, infrastruktura duhet të jetë prioritet. Ajo sjell rastin e Thethit, i cili është një destinacion i kërkuar, por ka ende probleme me infrastrukturën dhe formalizmin e biznesit.
