Rekorde të reja të çmimeve të ushqimeve në Eurozonë, pritet shtrenjtim edhe në Shqipëri

Rënia e çmimet e energjisë e ulën inflacionin në Eurozonë në muajin mars, megjithëse çmimet e ushqimeve shënuan rekorde të reja. Sipas të dhënave të Institutit Europian të Statistikave, inflacioni në bllokun prej 20 anëtarësh hyri në 6.9% muajin e kaluar. Për krahasim, në shkurt, inflacioni qëndroi në 8.5%.

Arsyeja kryesore për këtë rënie prej 1.6 % ishte ulja e kostove të energjisë. Sidoqoftë, ka pjesë të tjera të shportës së inflacionit që mbeten “kokëfortë” lart. Cmimet e ushqimeve janë ato që kontribuan më së shumti në inflacionin e Marsit.

Inflacioni bazë- i cili përjashton çmimet e luhatshme të energjisë, ushqimit, alkoolit dhe duhanit – u rrit pak nga muaji i kaluar. Ajo arriti në një rekord të të gjitha kohërave prej 5.7% në mars, nga 5.6% në shkurt.

Inflacioni i ushqimeve mbetet i lartë edhe në Shqipëri. Grupi “Ushqime dhe pije alkoolike” shënoi në shkurt një rritje prej 13.5%, në një kohë kur inflacioni i muaji ishte 7.1%. Rritja e çmimeve të ushqimeve në Eurozonë paralajmëron një shtrenjtim të mëtejshëm të çmimeve të produkteve ushqimore edhe në Shqipëri, për shkak të varësisë së madhe që kanë tregjet tona nga mallrat e importit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern