Fëmija 3 vjeç humbi jetën, mbyllet kopshti privat në Fier

Kopshtit privat “Flatrat e Dijes” në Fier i është hequr licensa.

Vendimi është marrë nga Ministria e Arsimit, pasi në ambientet e këtij institucioni ndërroi jetë një fëmijië 3 vjeç rreth një muaj më parë .

Bëhet e ditur se ky vendim është marr për shkak të konstatimit të shkeljeve të rënda, për mosplotësim të kushteve të licensimit.

Fëmija 3-vjeçar ndërroi jetë më 7 janar, ndërsa dyshohej se kishte gëlltitur një send të fortë dhe më pas është mbytur.

Ai kishte hematoma në qafë, të cilat dyshohet se u shkaktuan si pasojë e përpjekjes për ta shpëtuar.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Për këtë rast, vetëm një ditë më pas, u arrestua edukatorja e kopshtit, 27-vjeçarja me inicialet R.B., e cila kishte përgjegjësi për të pasur nën mbikëqyrje fëmijën.

Njoftimi i MAS
Ministria e Arsimit dhe Sportit, nisur nga rasti tragjik i Fierit, kërkoi nga Drejtoria e Përgjithshme e Arsimit Parauniversitar (DPAP) ngritjen e një grupi pune për inspektimin e institucionit arsimor parashkollor, kopshti “Flatrat e Dijes”.
https://arsimi.gov.al/ëp-content/uploads/2022/02/URDHER-NR.45.DT_.3.2.2022.pdf
Sipas relacionit të grupit të punës janë gjetur këto shkelje:
1- Nuk ka drejtues Didaktik.
2- Ka regjistruar fëmijë të moshës nën 3 vjeç, në kundërshtim me ligjin.
3- Personeli mësimdhënës nuk plotëson kriteret e parashikuara në ligjin 69/2012 neni 57.
4- Nuk plotëson standardet infrastrukturore.
5- Ka regjistruar dhe pranuar fëmijë mbi numrin e lejuar.
6- Nuk ka përmbushur detyrimet në lidhje me dokumentacionin e nevojshëm, duke përfshirë edhe kontratat me prindërit.
Nisur nga këto shkelje, MAS mori vendimin për mbylljen e veprimtarisë së këtij kopshti dhe revokimin e licencës nga QKB.