“Nuk di as emrin e tij, as të prindërve” Policia e Shtetit gjen vogëlushin në rrugë dhe publikon foton

Policia e Shtetit ka gjetur sot një fëmijë të moshës 5-6 vjeç në qytetin e Burrelit.

Autoritetet bëjnë të ditur në një njoftim zyrtar se i mituri nuk jep të dhëna për emrin e tij dhe as për familjen.

Ndërkohë që aktualisht ai është akomoduar pranë Komisaritit të Policisë Mat ndërkohë që policia kërkon ndihmën e qytetarëve për të bërë identifikimin e fëmijës dhe gjetjen e familjes së tij.

“Shërbimet e Komisariatit të Policisë Mat, në bashkëpunim me disa qytetarë, në dalje të qytetit të Burrelit kanë gjetur në rrugë një fëmijë i moshës 5-6 vjeç, i cili nuk jep të dhëna as për emrin dhe as për familjen e tij.

I mituri është akomoduar në Komisariatin e Policisë Mat, është në gjendje të mirë shëndetësore, dhe ftojmë qytetarët të na ndihmojmë në identifikimin e tij apo të familjarëve të tij. Për dhënie informacioni ju lutemi të kontaktoni në numrin 0694110215”, është ky njoftimi i uniformave blu.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern