LIGJET E BIZNESIT
Deputeti i Partisë Demokratike Luan Baçi gjatë një prononcimi për mediat në oborrin e selisë blu tha se e kishin marrë informacionin që më parë për dyert që do të ishin të kyçura.
Ai ndodhej aty së bashku me mbështetësit e ish-kryeministrit Sali Berisha.
“S’duhet të merremi me këto afatet e ultimatumet. Sot erdhëm për të bërë një takim lart te PD. I gjetëm zyrat mbyllur, megjithëse kishim një informacion sepse edhe Tabaku i kishte gjetur mbyllur. Se po lyhet e riparohet këto janë justifikime për të krijuar idenë se po përdoret dhunë te PD. S’po përdoret dhunë te PD jemi anëtarë të një subjekti parlamentar”, tha ai.
I pyetur se çfarë do të ndodhë më 8 janar, Baçi tha se do të jetë takim miqësor, duke mos e konsideruar as protestë.
“8 janari është takim miqësor, do ja hiqja edhe fjalën protestë, takim miqësor i demokratëve në shtëpisë e saj. S’vjen njeri për të nxjerrë Bashën nga zyrat, por për të vazhduar punën në selinë e PD. Basha është i shkarkuar nga Kuvendi është ratifikuar ky vendim dhe si i tillë Bashën do ta ftoja t’i bashkohej anëtarëve të PD me 8 janar, të vazhdojnë punën duke organizuar PD në bazë të vendimeve të Kuvendit”, u shpreh Baçi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Nëse Basha nuk largohet nga selia, Baçi tha se nuk do të ketë dhunë.
“S’ka nevojë t’i bindet Basha s’ka nevojë, selia është këtu demokratët këtu, Basha të bashkohet me demokratët, është shumica, s’ka përplasje, s’ka dy grupime sepse Basha s’ka mbështetës”, përfundoi ai.
