LIGJET E BIZNESIT
Pas takimit të sotëm me kryeministrin Edi Rama, ministri i jashtëm i Italisë Luigi Di Maio ka deklaruar në një konferencë të përbashkët mes të dyve, se duhet të ketë një dialog mes mazhorancës dhe opozitës që të mos kompromentohet procesi i integrimit europian.
“Ndodhem këtu për të shprehur solidaritetin dhe mbështetjen e Italisë në rrugëtimin e integrimit evropian. Theksova mbështetjen e palëkundur ndaj Shqipërisë dhe Maqedonisë së Veriut dhe në vijim të vendimit të mos çeljes se negociatave që u mor në tetor.
Italia insiston mbi nevojën e një vendimi pozitiv për të dyja vendet dhe për të caktuar një datë për konferencën së parë ndërqeveritare dhe një mandat për komisionin për te pergatitur edhe kuadrin e negociatave.
I shpreha dëshirën që gjithë aktorët politikë të angazhohen edhe më tej në rivendosjen në një klimë politike të tillë që të mos kompromentojë rrugëtimin e integrimit evropian, duke favorizuar një ulje të tensioneve dhe hapjen e kanaleve të përballjes dhe dialogut”, deklaroi ministri italian Luigi Di Maio.
Nga ana tjetër dhe kryeministri Edi Rama falenderoi Italinë për ndihmën që dha pas tërmetit të 26 nëntorit dhe deklaroi se kishte diskutuar me ministrin Di Maio për reformën në drejtësi, paketën e re KÇK, krimit të organizuar dhe korrupsionit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Diskutuam edhe për aspekte të partneritetit tonë strategjik. Italia ka qenë dhe mbetet partneri ynë i parë në marrëdhëniet ekonomike e tregtare, vendi që nuk është kursyer asnjëherë në transformimih e vendit nga një diktaturë në një demokraci funksionale.
Kryeministri italian më ka konfirmuar gatishmërinë e Italisë për të mbështetur edhe me njerëz në terren, një bashkëpunim konkret e të përditshëm”, u shpreh Rama gjatë fjalës së tij në konferencë.
