LIGJET E BIZNESIT
Edhe pse ka patur një reagim të menjëhershëm nga organizatat e mediave në vend si dhe organizata ndërkombëtare, ku janë shprehur kundër miratimit të ligjit të ri për median, që maxhoranca e ka cilësuar si paketën “Anti-Shpifje”, kryeministri Rama insiston sërish për votimin e saj.
Një një postim në Twitter, Rama shkruan se projekti do të hyjë nesër për miratim në seancë pas një pune të përbashkët thuajse njëvjeçare me OSBE e i dakordësuar 100% me ekspertët e zyrës së Vienës.
“Projekti do të hyjë nesër për miratim në seancë pas një pune të përbashkët thuajse njëvjeçare me OSBE e i dakordësuar 100% me ekspertët e zyrës së Vienës nën drejtimin e @harlemdesir. I falenderoj për kontributin e çmuar dhe angazhimin në vazhdim për aktet nënligjore
Keqardhje për ata që lirinë e shprehjes e përdorin për t’u ankuar për mungesën e lirisë;për ata që nxjerrin deklarata pa lidhje fare me ligjin e ri; për ata që çirren për diktat imagjinar mbi mediat dhe për të gjithë bashkë që as nuk e kanë lexuar tekstin http://www.parlament.al/News/Index/9800”- shkruan Rama.
Ndërkohë nesër gazetarët, shoqëria civile, si dhe organizata ndërkombëtare do të protestojnë para Kuvendit kundër miratimit të “Paktes Antishpifje”, e cila sipas tyre synon që të cënojë lirinë e mediave online, ndërkohë që i jep komptenca organeve shtetërore si AKEP dhe AMA-s.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
