LIGJET E BIZNESIT
Edhe mëngjesin e sotëm kryeministri Edi Rama ka mbledhur qeverinë ku ka zbuluar detaje nga plani i rindërtimit në zonat më të prekura nga tërmeti i 26 nëntorit.
Rama u shpreh se tashmë do të ngrihen lagje të reja, një në Durrës, një në Laç dhe tre në Tiranë.
Përsa i përket afateve ai ka zbuluar se brenda pranverës duhet të happen të gjitha kantieret e ndërtimit dhe ai në Laç duhet të nisë menjëherë nga puna.
“Në Durrës do të bëjmë një lagje të re, do të jemi shumë të kujdesshëm në pikat ku janë krijuar hapësira për shkak të shembjeve, po të jenë hapësira që të shihen si potencial për zhvillimin e qytetit edhe me parqet e kujtesës për çfarë ndodhi, dhe me infrastrukturën sociale për çfarë ndodhi.
Prishje e gjithë godinave problematike dhe ndërtimi i një blloku të ri banesash për të akomoduar gjithë ata njerëz që do të humbasin shtëpinë aty me parametra krejt të tjera. Një pikë të 5 maji, pranë lumit është një zonë ku ne mund të bëjmë spostime se pjesët më të prekura brenda qytetit janë kombinati dhe zona e njësisë 4, por mund të bëjmë spostime pa iu spostuar jetën në të njëjtën hapësirë gjeografike. Dhe një tjetër në ish Uzina e Autrotraktorëve, më e vogël, por e nevojshme”- u shpreh kryeministri.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
