A do të arrestohet njeri për 51 viktimat e tërmetit? Flet Olsian Çela

Prokurori i Përgjithshëm Olsian Çela, ka udhëtuar sot drejt  Durrësit për parë nga afër hetimet për ndërtesat e shembura pas tërmetit të 26 nëntorit.

Pas takimit me drejtues të Prokurisë së Durrësit, në një deklaratë për mediat prokurori Olsian Çela u shpreh i kënaqur nga rezultati i deritanishëm i punës së prokurorisë në Durrës dhe shprehu mbështetjen që Prokuroria e Përgjithshme do ti ofrojë.

I pyetur nga gazetari i Fax News, Sokol Dema nëse do të ketë arrestime për vdekjen e 51 njerëzve, Çela përsëriti se ka persona që kanë shkelur ligjin dhe se do të mbajnë përgjegjësi për këtë.

“Këto janë vendimet që i marrin prokurorët, kanë të pavarur në vendimmarrjen, ka njerëz që kanë shkelur ligjin shumë kanë humbur jetën. Përgjegjësia që do të mbahet do të jetë maksimale, do të shkojë atje ku është, te ndërtuesit e zyrtarët kudo që provohet se ka elementë të përgjegjësisë penale nuk do të ketë hezitim për asnjë rast. Kam garantuar mbështetjen e plotë do të jenë të bindur se janë të pavarur këtë do ua garantojmë hetuesve.”- u shpreh Çela.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern