Xhensila Myrtezaj lë ‘kokën’ për Bes Kallakun! Këngëtarja tregon çmendurinë më të madhe që ka bërë për dashurinë

Këngëtarja Xhensila Myrtezaj dhe aktori Bes Kallaku janë një nga çiftet më të komentuara të showbizit në Shqipëri.

Shpeshherë ata nuk ngurrojnë të flasin hapur edhe për momentet e tyre të përditshmërisë.

Prindër të një vogëlusheje me emrin Ajka, dyshja e njohur mesa duket janë më të dashuruar se kurrë.

E ftuar në programin “Klanifornia” Xhensila ka rrëfyer edhe disa detaje që nuk i dinim më parë për familjen e tyre.

Këngëtarja ka zbuluar se përralla që i tregon më shpesh së bijës është ajo “sesi mami u martua me një katunar nga Bubqi”.

Drejtuesja Marina Vjollca e ka pyetur Xhensilën edhe për numrin e fëmijëve që çifti planifikon të bëjë.

Pa hezitim Xhensila ka treguar se do katër fëmijë.

“4, 2 goca dhe dy çuna. Ajkën nuk do ta lë pa një motër, ndërkohë as djalin pa një vëlla”, ka shpjeguar Xhensila.

Ndërkohë pyetjes se kush është gjëja me e çmendur që ka bërë për dashurinë, Xhensila e ka treguar me humor: Që u martova me Bes Kallakun!