LIGJET E BIZNESIT
Redian Rraja, 34-vjecari me profesion stomatolog, është i arrestuari i parë si i përfshirë në atentatin e të premtes te mbikalimi i Shkozetit, ku u plagos prokurori Arjan Ndoja, shoferi i tij Andi Maloku si dhe ‘i forti’ i Shijakut Landi Muharremi.
Rraja është nipi i deputetit të Partisë Socialiste Rrahman Rraja dhe një emër i njohur për Policnë e shtetit.
Ai ra në prangat e policisë më 3 maj 2016 pas akuzave se pengoi zbardhjen e vrasjes së Elton Cicos, ngjarje e ndodhur në 1 maj 2015 në një lokal në ish-Bllok në Tiranë.
Asokohe Rraja u dënua me 8 muaj burg, pasi fshehu celularin dhe pistoletën e mikut të tij Elton Cico.
Si e kërcënoi Rraja Xhisiela Malokun?
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në dosjen e famshme të njohur si ‘Xhisiela’, Redjan Rraja ka patur rolin e tij. Në materialin hetimor të publikuar në momentin kur ngjarja u bë publike, Xhisiela Maloku thoshte në prokurori se Rexhep Rraja, Ramazan Rraja dhe shtetasi Redjan Rraja e kanë marrë me dhunë dhe e kanë goditur për shkak se kishte bërë kallëzimin në policinë e Tiranës.
“Rreth orës 20:00 ka ardhur tek banesa ime në fshatin Nikël, shtetasi Rexhep Rraja, Ramazan Rraja dhe shtetasi Redjan Rraja, dhe më kanë marre me zorrë duke më thënë na hape punë për çfarë ke shkruar përsëri në komisariatin e Policisë Nr.3 në Tiranë, dhe na ke kallëzuar , unë i mohova dhe i thash që nuk kam qenë në polici, Rexhepi më kapi nga flokët dhe më gjuajti me shkelma dhe më futi në makinën e tij, dhe më thoshte që do e tërheqësh denoncimin ose do të të vrasim me vendosi në barkë pistoletën, e mbushi dhe më tha që sot nuk ke shpëtim se na ke hapur shumë punë k*rvë e m*tit.”-deklaroiXhisiela në prokurori.
Pak ditë pasi ngjarja mori dhenë, Xhisiela doli para mediave dhe mohoi gjithçka kishte deklaruar deri në atë moment duke rrëzuar versionin se ishte dhunuar nga djali i deputetit të PS, me të cilin kishte lidhje dashurie.
