Një ditë pas aksionit të IKMT, ja çfarë po ndodh tani te Unaza e Re (FOTO)

Që në orët e para të mëngjesit të djeshëm, pas afro 1 vit rezistence, banorët e Unazës së Re u përballën me aksionin e IKMT që shembi banesat e tyre.

Edhe pse ata luftuan fort për t’i mbrojtur ato nuk u ndalën dot.

IKMT arriti të prishte 33 banesa.

Madje gjatë aksionit pati edhe përplasje mes banorëve dhe Policisë së Shtetit , ku u plagosën 12 persona.

Por si duket situata sot?

Në zonën e Unazës së Re sot duket se mbizotëron heshtja.

Në territor kanë mbetur vetëm inerte, gërmadha, masa betoni, hekuri dhe orendi të prishura.

Mesa duket nuk ka më asgjë prej thirrjeve të dikurshme edhe çdo gjë mori fund në vetëm pak orë.