“Do ti qëndroj besnike Kushtetutës!” Arta Vorpsi sfidon Metën, bën betimin te noterja

Presidenti Ilir Meta ka deklaruar se nuk do ta thërrasë Arta Vorpsin për të bërë procesin e dhënies së detyrës.

E gjendur në këto kushte, Vorpsi e ka kryer sot betimin si anëtare e Gjykatës Kushtetuese te zyra e noteres Miranda Xhemalce.

Gjyqtarja ka njoftuar betimin tek institucionet kushtetuese: Presidenti, KED dhe Gjykata Kushtetuese.

Në tekstin e betimit,  gjyqtarja Arta Vorpsi thekson: “Unë e nënshkruara, Arta Vorpsi, në cilësinë e gjyqtares së Gjykatës Kushtetuese të emëruar, bazuar në vendimin nr.132 datë 21.09.2019 të Këshillit të Emërimeve në Drejtësi, botuar në Fletores Zyrtare, me vullnetin tim dhe gatishmërinë për të ushtruar menjëherë funksionin e gjyqtarit të Kushtetueses dhe me dorën e vendosur mbi Kushtetutë, betohem: Betohem se gjatë kryerjes së detyrave të mia do t’i qëndroj kurdoherë besnik Kushtetutës së Republikës së Shqipërisë”.

Deri më tani Gjykata Kushtetuese përbëhet nga anëtarët: Vitore Tusha, Besnik Muçi, Arta Vorpsi, Elsa Toska, Fiona Papajorgji dhe Marsida Xhaferllari.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Por në tërë këtë situatë është një përplasje e fortë për shkak se ligji përcakton se anëtarët e Gjykatës Kushtetuese duhet të bëjnë betimin përpara presidentit dhe ende nuk dihet nëse Arta Vorpsit do t’i lejohet që të ushtrojë detyrën.