“Do të hap dyert e Europës për refugjatët”, Erdogan kërcënon Bashkimin Europian

Presidenti i Turqisë, Recep Tayyip Erdogan  me anë të një deklarate ka kërcënuar Bashkimin Europian për “hapje të dyerve” ndaj Evropës për refugjatët sirianë, nuk i jep ndihmë shtesë për ta.

Duke folur përkrah kryeministrit të Hungarisë, Viktor Orban, të enjten në Budapest, Erdogan tha se Turqia nuk mund ta bartë e vetme barrën e strehimit të refugjatëve.

Turqia strehon numrin më të madh të refugjatëve në botë, me rreth 3.6 milionë shtetas sirianë të regjistruar, ka bërë të ditur Komisionari i Lartë për Refugjatë i Kombeve të Bashkuara. Një pjesë e strategjisë së Turqisë kur ka pushtuar verilindjen e Sirisë në muajin tetor ka qenë krijimi i një zone të sigurt atje, ku do të rivendoste dy milionë refugjatë sirianë.

Në këmbim, Ankaraja ka pranuar 3.3 miliardë dollarë ndihmë të menjëhereshme dhe shumën e njëjtë në fund të vitit 2018. Sidoqoftë, Erdogan, sipas llogaritjeve të tij, tha se Turqia ka shpenzuar 40 miliardë dollarë për të mbështetur refugjatët. “Pa marrë parasysh nëse marrim mbështetje ose jo, ne do të vazhdojmë t’i ndihmojmë mysafirët që presim. Por, nëse kjo nuk funksionon, atëherë do të duhet t’i hapim dyert”, tha Erdogan.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern