Dalin emrat/ Këto janë 2 vajzat që humbën jetën në aksidentin fatal në Tiranë (FOTO)

Mesnatën e djeshme rreth orës 01:00 një aksident tragjik ka ndodhur në fshatin Bërzhitë të Tiranës, ku humbën jetën 2 vajza 17-vjeçare.

Mësohet se ato janë Denada Tarja dhe Sueda Serani.

Dy adoleshentet po ktheheshin nga një festë ditëlindjeje në momentin që kanë gjetur vdekjen si pasojë e përplasjes fatale.

Drejtuesi i automjetit ishte 18-vjeçari Françesk Shaba.

Ai po ecte me shpejtësi në momentin që ka humbur kontrollin e mjetit dhe është përplasur me një pemë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Dy vajzat nuk iu mbijetuan dot plagëve të marra dhe kanë ndërruar jetë në vend.

Drejtuesi i automjetit bashkë me dy 14-vjeçarët e tjerë që udhëtonin në makinë janë plagosur dhe ndodhen në spitalin e Traumës ku po marrin kujdesin e nevojshëm shëndetësor.

Familjarët e dy 17-vjeçareve nuk e kanë besuar atë që ka ndodhur dhe kanë qënë në gjendje të rëndë psikologjike, aq sa është dashur edhe ndërhyrja e mjekëve.

Mësohet Françesk Shaba i kishte marrë makinën babait dhe nuk kishte patentë.