Spanjë/ Kultivonin lëndë narkotike në parkun natyror, bien në pranga 4 shqiptarë

Policia spanjolle ka shkatërruar një rrjet të kultimit të kanabisit, ku në pranga kanë rënë 4 shtetas shqiptarë.

Kanabisi dhe kampet e trafikantëve ishin ngritur mes pyjeve të Sierra Cuenca. Gjatë operacionit policia ka sekuestruar një sasi prej 2 tonë drogë, vlera e së cilës përllogaritet në 11.3 milionë €.

Hetimet kundër trafikantëve të drogës nisën në tetor falë sinjalizimeve të banorëve vendas për praninë e të arrestuarve në komunën Huélamo (Cuenca).

Sasia e bimëve të kanabisit që u konfiskua arrinin në 2,060 kilogramë. Agjentët sekuestruan gjithashtu edhe 1,600 euro në para të thata, një automjet, katër celularë dhe një peshore elektronike.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern