Pas 30 vitesh karrierë, Sali Berisha tregon se kur do tërhiqet nga politika

Ish-kryeministri Sali Berisha është një nga figurat më të rëndësishme në politikën shqiptare.

I njohur si lideri historik i Partisë Demokratike, ai tashmë shënon një karrierë pothuajse 30 vjeçare në këtë fushë.

Edhe pse prej 6 vitesh nuk është më kryetar i PD, doktor Berisha është një nga eksponentët me aktivë të partisë më të madhe opozitare në vend.

Mbrëmjen e djeshme Berisha ishte i ftuar në programin “Tempora” me moderatore Sonila Meçon, ku u pyet nga pedagogu Erion Kristo se kur kishte ndërmend  të tërhiqej nga politika.

E menjëhershme ishte përgjigja e Berishës, duke i befasuar shikuesit dhe të ftuarit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Një orë përpara se të më marrë i Plotfuqishmi, vetëm atëherë unë do të ndahem nga politika”, tha Berisha duke iu referuar orës së fundit të jetës.

Me siguri kjo përgjigje e tij i ka gëzuar mbështetësit e Partisë Demokratike, shumica e të cilëve e kanë ndjekur që në fillimet e tij në vitet 90’ me lëvizjet studentore për rrëzimin e regjimit komunist.