Kishte filluar punë dy ditë më parë, ky është i riu që u përplas për vdekje dje në Durrës (EMRI)

Ramazan Bata është i riu që gjeti vdekjen nga një aksident i rëndë mbrëmjen e djeshme në afërsi të “Urës së Dajlanit” në Durrës.

Mësohet se 25-vjeçari me origjinë nga Burreli, kishte filluar punë si shpërndarës picash vetëm dy ditë më parë.

Policia ka arrestuar dy persona në lidhje me aksidentin tragjik, F. T., 54 vjeç, banues në Tiranë dhe
P. T., 49 vjeç, banues në Krujë.

Arrestimi i tyre u bë për shkak se në autostradën “Tiranë-Durrës”, tek mbikalimi i këmbësorëve në Shkozet, mjeti tip “Fiat Dukato” që drejtohej nga shtetasi F. T., dhe mjeti autobuz tip “Skania” që drejtohet nga shtetasi P. T., janë përplasur me motorin tip “Dajang”, me drejtues shtetasin R. B., 25 vjeç, banues në Durrës, i cili ka ndërruar jetë.

Materialet i kaluan Prokurorisë së Rrethit Gjyqësor Durrës për veprën penale ” Shkelja e rregullave të qarkullimit rrugor”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern