LIGJET E BIZNESIT
Pas deklaratës që bëri dje nga foltorja e Kuvendit deputetja Rudina Hajdari ku tha se është kërcënuar në zyrën e saj, prokuroria ka nisur hetimet.
Lajmin e ka bërë të ditur zv.ministri i Brendshëm Besfort Lamallari, i ftuar në emisionin “Opinion”.
Lamallari u shpreh se kanë nisur gjithashtu dhe procedurat për shtimin e masave të sigurisë ndaj deputetes.
“Kanë nisur procedurat për hetimin e rastit dhe masat për shtimin e sigurisë, për deputeten Hajdari dhe gjithçka që garanton sigurinë e deputetëve të tjerë,” u shpreh Lamallari.
Nga ana tjetër gazetari Artan Hoxha tha se kamerat e sigurisë nuk kanë konstatuar ndonjë “gjë të dukshme” pasi ato janë të instaluara në pjesën e koridoreve të Kuvendit. Sipas Hoxhës dyshohet se bëhet fjalë për ndonjë konflikt verbal brenda grupit opozitar, një luftë për marrjen e kryesisë së grupit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Seancat Plenare, në të gjitha rastet më thanë që dalja nuk ka konstatuar ndonjë gjë të dukshme, megjithatë është duke filluar një hetim. Në zyrat e Kuvendit kamerat e sigurisë janë në koridor por jo në ambientet e brendshme.
Pretendohet se është kërcënuar nga pjesëtarë të brendshmë të grupit parlamentar, është një luftë për të marrë kryesinë e grupit.
Po sigurisht zoti Lita e cilësoi, “në gjaknxehtësi e sipër mund të kem thënë ndonjë fjalë”. Figuron që një grup personash kanë hyrë në zyrë. Se sa ata janë sharë apo kanë kërcënuar njëri-tjetrin kjo është për t’u parë,” u shpreh Hoxha.
