Së fundmi Ermal Mamaqi ishte i ftuar në emisionin e mëngjesit “Wake Up”, ku ka pohuar se nuk i mban aspak mëri kolegut dhe mikut të tij Bes Kallakut, pas debatit të bujshëm.
Ai tha gjithashtu se e ka ftuar në premierën e filmit “I love Tropoja”.
“Po patjetër që e kam ftuar dhe shpresoj që të vijë. Nuk ka asgjë që të na ndajë”, u shpreh Mamaqi.
“Diferenca e vetme është që Ermali është biznesmen, ndërsa unë jam komedian”. Ka mjaftuar kjo fjali e thënë nga Bes Kallaku në emisionin e Luana Vjollcës që replikat mes tij dhe Ermal Mamaqit të zhvendosen në rrjetet sociale.
Gjithashtu Besi krahasoi dhe dy aktoret protagoniste të secilit film, Bleona Qeretin dhe Encë. Të dy replikuan me njëri-tjetrin në rrjete sociale, por mesa duket Ermali e ka hedhur pas krahëve gjithçka. Madje moderatori ka treguar se ka shkuar në kinema për të parë “Falco” dhe për të mbështetur shokun e tij.
