ELBASAN/ Bilanc tragjik i aksidentit, ndërron jetë në spital edhe 56-vjeçari

Pas përplasjes fatale që i mori jetën 35-vjeçarit Ervis Driza, mësohet se ka ndërruar jetë në spital edhe 56-vjeçari Fatos Qosa i cili mbeti i plagosur në një aksident të ndodhur mbrëmjen e sotme në aksin rrugor Elbasan-Cërrik në fshatin Shirgjan, ku një makinë ka përplasur një motorçikletë me të cilin udhëtonin dy persona njëri prej tyre ka humbur jetën në vendngjarje.

Burime për Faxweb.al bëjnë me dije se Qosa ka vdekur në duart e mjekëve ndërsa nuk ka mundur t’iu mbijetonte dot plagëve të marra.

Menjëherë pas aksidentit u raportua për një të plagosur, por Policia përmes një njoftimi zyrtar bën me dije se, kishte ndërruar jetë drejtuesi i motorrit, Ervis Driza 35-vjeç, ndërsa është plagosur Fatos Qosa 56-vjeç që ishte pasagjer me të kishte mbetur i plagosur rëndë pavarësisht se në komunikatën e bluve thuhet se ishte jashtë rrezikut për jetën.

Mësohet se shtetasi  A.Sh., 25 vjeç,  banues në Jagodin, Elbasan i cili është ndaluar nga Policia, duke drejtuar mjetin tip “Audi”.