Pak ditë para Vettingut, bashkëshortja e Denar Bibës jep dorëheqjen nga Gjykata e Lartë

Elona Kana, këshilltare në Gjykatën e Lartë ka dhënë dorëheqjen ditën e sotme. Ky vendim vjen vetëm pak ditë para se të dilte para trupës së Vettingut ku do të jepej vendimi për pastërtinë e figurës dhe të ardhurat,

Sipas Tirananews, Kana, e cila është edhe bashkëshortja e anëtarit të KQZ-së Denar Biba, ka dhënë dorëheqjen nga detyra e saj në Gjykatën e Lartë si dhe nga ndjekja e studimeve në Shkollën e Magjistraturës. Por ky veprim i saj nuk ishte i papritur.

Ish-Këshilltarja e Gjykatës së Lartë, Elona Kana do të pësonte më 7 tetor edhe humbjen e parë në ballafaqimin e saj me Komisionin e Pavarur të Kualifikimit. Ky i fundit i rrëzoi kërkesën për përjashtimin e relatores së çështjes, Xhensila Pine nga gjykimi i dosjes dhe figurës së saj gjatë procesit të vettingut.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern