Detaje të reja kanë dalë në lidhje me personin që u gjet pajetë paraditen e sotme pranë lokalit në pronësi të tij në fshatin Mborje të Korçës.
Sipas informacioneve paraprake bëhet me dije se viktimës Flamur Duçi i janë gjetur plagë në trup.
Plagët në trupin e 45-vjeçarit janë shkaktuar me një mjet prerës.
Sipas “faxweb”, autorët e krimit kanë tentuar fillimisht të djegin viktimën duke e lyer me lëndë djegëse dhe më pas e kanë goditur me thikë derisa i kanë shkaktuar vdekjen përpara lokalit të tij.
Sipas të njëjtave burime, policia ka gjetur shenja të djegies në trupin e tij.
Mësohet se viktima nuk kishte konflikte me njeri dhe se njihej si i qetë nga banorët e zonës.
Fillimisht atij i është bërë pritë nga autorët, ende të paidentifikuar.
Duci jetonte i vetëm dhe u gjet pa jetë nga bashkëfshatarët, të cilët sapo konstatuan trupin njoftuan menjëherë uniformat blu.
Grupi hetimor po vijon punën për zbardhjen e rrethanave të ngjarjes së rëndë dhe identifikimin e autorëve.
