Leksion i hapur për PPP-të në Universitetin Mesdhetar të Shqipërisë

Debati mbi financimin sipas mënyrës së Partneritetit Publik- Privat ishte sot në fokus në leksionin e hapur të zhvilluar për studentët e Fakultetit të Ekonomisë në Universitetin Mesdhetar të Shqipërisë. Ky leksion u mbajt nga themeluesi i UMSH-së, Akademik, Prof-Dr Anastas Angjeli.

Ai shpjegoi për studentët se marrëdhënia midis qeverisë, sektorit privat dhe shoqërisë civile konsiderohet faktor i rëndësishëm për arritjen e zhvillimit të qëndrueshëm. Lidhjet midis qeverisjes dhe partneritetit vendosen përmes konsultimit, koordinimit, pjesëmarrjes dhe dialogut. Profesor Angjeli duke nënvizuar se këndvështrimet për PPP, janë të ndryshme u dha përgjigje 10 prej pyetjeve më të rëndësishme që lidhen me këtë përtneritet.

Gjithashtu ai shpjegoi se debati është i pashmangshëm jo vetëm në vendin tonë por edhe në vende shumë më të zhvilluara. Gjatë leksionit, Profesor Angjeli bëri një sqarim të përmbledhur, duke përfshirë një reflektim teorik, ligjor dhe praktik, por veçanërisht ndaj nevojës për një qasje të re përmirësuese në kuadrin ligjor që rregullon këtë lloj veprimtarie.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern