“O Rakip, rregulloje këtë mor burrë” Rama porosi edhe kryebashkiakut të Kamzës: Si po patjetër?

Dita e parë e shkollës ka qenë shumë speciale sot për vogëlushët Aurel dhe Alesio, të cilët pasi i shpëtuan tërmetit tragjik, u sistemuan dhe në shtëpi të reja.

Ata u shoqëruan për në shkollë nga kryeministri Edi Rama, që i ka marrë në makinë dhe i përcolli për në shkollën “Ahmet Zogu” në Kamëz.

Gjatë rrugës, Rama i porositi dy djemtë që të dalin sa më mirë me mësime, të shkëlqyer e të marrin dhjeta.

Në momentin që ata kanë zbritur nga makina, aty i ka pritur dhe kryebashkiaku i Kamzës Rakip Suli, të cilit Rama i dha një porosi të prerë.

Edi Rama: O Rakip rregulloje këtë gropën.

Rakip Suli: Patjetër.

Edi Rama: Te dera e shkollës me gropa?

Rakip Suli: Ka lënë shumë gropa ai (i referohet paraardhesit)

Edi Rama: E di të ka lënë shumë gropa, po iku ai.

Rakip Suli: Kur lë shumë gropa e do pak kohën e vet. Siç e gjete dhe ti para disa vitesh.

Ne dalje nga shkolla, Rama nuk e ka lene pa e kujtuar edhe njehere:

Edi Rama: Vetëm atë gropën atje Rakip.

Rakip Suli: Patjetër po ka lënë shumë gropa ai.

Edi Rama: Lë shumë gropa tani, nesër gropa e mbyllme Rakip. E di ti!