Ditën e sotme është vetëdorëzuar në polici, një nga dy vëllezërit Kusi, Albano Kusi, i cili akuzohet se ka marrë pjesë në vrasjen e teknikut të kondicionerit Indrit Çela, në muajin gusht të 2019.
Policia e Tiranës njofton se Kusi është vetëdorëzuar pas kontrolleve të shumta në banesa dhe ambiente të ndryshme dhe pas negociatave me avokatin dhe familjarët.
Mbi të rëndon akuza “Veprime që pengojnë zbulimin e së vërtetës e kryer në bashkëpunim”.
NJOFTIMI ZYRTAR I POLICISE
Në vijim të veprimeve për zbardhjen e ngjarjes së ndodhur në rrugën “Muhamed Gjollesha”, si rezultat i kontrolleve të pandërprera të ushtruara në ambientet të ndryshme e banesa, dhe përdorimit të metodave proaktive, si dhe pas negociatave me avokatin dhe familjarët, është bërë e mundur që në ambientet e Drejtorisë Vendore të Policisë Tiranë të vetë dorëzohet shtetasi në kërkim Albano Kusi
Specialistët e Sektorit për Hetimin e Krimeve ndaj Jetës dhe Pronës, bënë ekzekutimin e urdhërit të ndalimit të lëshuar nga Prokurori si dhe të vendimit të Gjykatës së Gjykatës së Shkallës së Parë Tiranë e cila ka vendosur masën e sigurisë Arrest në Burg, për shtetasin: Albano Kusi, 28 vjeç, lindur në Tiranë dhe banues në Tiranë,
Prokuroria pranë Gjykatës së Shkallës së Parë Tiranë, në datë 25.08.2019, ka dërguar urdhërin e për ekzekutimin e vendimit penal të datës 25.08.2019, të Gjykatës së Shkallës së Parë Tiranë, e cila ka caktuar masën e sigurisë ”Arrest ne burg”, për shtetasin Albano Kusi për Veprat Penale të “Veprime që pengojnë zbulimin e së vërtetës” e kryer në bashkëpunim.
Shtetasi Albano Kusi, në datë 22.08.2019, rreth orës 11.00, në rrugën Muhamet Gjollesha, Tiranë, në ambientet e katit të parë të godinës tre katëshe në pronësi të shtetasit Bujar Kusi, ka kryer veprime që pengojnë zbulimin e së vërtetës, në lidhje me vrasjen me armë zjarri të shtetasit I. Ç.
Materialet në ngarkim të shtetasit Albano Kusi, i dërgohen Prokurorisë së Rrethit Gjyqësore Tiranë për veprat penale të “Veprime që pengojnë zbulimin e së vërtetës” e kryer në bashkëpunim.
Kujtojmë se 26-vjecari Indrit Çela u vra më 23 gusht pasi u konfliktua me dy djemte e pronarit të një vile, ku po punonte në Tiranë.
Albano dhe Griseldo Kusi, e vranë teknikun e kondicionerit për një motiv banal, se përse pajisja po pikonte ujë.
Për vrasjen eelës janë të arrestuar disa persona, të cilët kanë qenë të pranishëm në vendngjarje dhe kanë parë të gjithë skenën e krimit.
