Rindërtimi do të fillojë me fshatrat, Rama: Brenda 2020, të gjithë me shtëpi

Gjatë ditës së sotme u bë e ditur se mes fundit të janarit të 2020 ose fillimit të shkurtit, do të mbahet Konferenca ndërkombëtare e donatorëve.

Ajo do të mbahet në Tiranë dhe kryeministri tha se koha e mbajtjes do të jetë në varësi të daljes së raportit të dëmeve nga tërmeti.

Përmes një videomesazhi, Rama tha se objektivi i qeverisë është që brenda 2020 të gjithë banorët e fshatit që kanë humbur shtëpinë ta gëzojnë Vitin e Ri në një shtëpi të re, ndërsa brenda qershorit 2021 ata që kanë humbur shtëpinë në qytete të jenë në apartamente të reja.

Nga ana tjetër ai theksoi se vazhdojnë hetimet për të dokumentuar përgjegjësitë e çdo kahu dhe niveli për dëmet e shkaktuara pas tërmetit si pasojë e abuzimeve në ndërtim.

“Sot janë kryer arrestimet e para, hetimet vazhdojnë” tha Rama.