“Ruaj qetësinë dhe mblidh veten”, Tedi Blushi reagon pas deklaratës së Dvoranit: Publikoji videot vetë i pari

Menjëherë pas deklaratës së kreut të KED-së, Ardian Dvorani, ku u shpreh se insituticioni i tij nuk do të bllokohet dhe se do të vazhdojë të ushtrojë kompetencat e tij, vjen reagimi i presidencës.

Me anë të një deklarate, zëdhënësi i presidentit Meta, Tedi Blushi i ka thënë Dvoranit të ruajë qetësinë dhe të mbledhë veten. Ai shtoi se Reforma në Drejtësi do të ecë përpara.

Reagimi i Blushit:

Dvoran, ruaj qetësinë dhe mblidh mendjen! Të lutem mos dëmto provat se do rëndosh më shumë pozitën tënde!

Më thonë gazetarët se paske publikuar dhe një video? Shumë mirë! Vetëm ruaj qetësinë me videot, se publikimi i tyre nuk ka filluar akoma!

Ne e dimë që ty të kanë ngatërruar në anglisht, por do të sqarojmë edhe në shqip!

Ndaj bën mirë t’i publikosh vetë i pari të gjitha provat dhe videot! Megjithatë, ne me shumë qetësi po presim hetimin! Reforma në Drejtësi do ecë përpara dhe askush nuk mund ta ndalë dot!